Тус баг нь 1963 онд МУИС-ийн Энерго-механикийн факультетийн дэргэд энергетикийн тэнхим нэртэйгээр байгуулагдсанаар анх эх суурь тавигдсан байна. Энэ үед анхны тэнхимийн эрхлэгчээр тус сургуулийн үндэслэн байгуулагчдын нэг соён гийгүүлэгч Г.Рэнцэндорж ажиллаж байжээ.Улмаар 1964 онд цахилгаан техникийн тэнхим болж эрхлэгчээр нь С.Найдан ажиллаж байв. Цаашид:
1964-1969 онд Н.Мижигдорж
1969-1976 онд Б.Мандах
1976-1979 онд З.Цэрэндорж
1979-1985 онд Б.Мандах
1985-1989 онд З.Цэрэндорж
1989-1992 онд Д.Содномдорж
1992-1995 онд Х.Цагаан
нар тус тус ажиллаж ирсэн байна. 1995 онд цахилгаан системийн тэнхим болж эрхлэгчээр нь Монгол улсын төрийн шагналт, Шинжлэх ухааны доктор, профессор Д.Содномдорж ажиллаж, улмаар 2001 оноос профессорын багийн системд шилжиж “Цахилгаан системийн горим, удирдлага”-ын профессорын багийн тэргүүлэх профессороор Д.Содномдорж ажиллаж иржээ. 2008 оны 01-р сарын 01-ээс “Цахилгаан систем, эрчим хүчний удирдлага”-ын  профессорын баг болж тэргүүлэх профессор Д.Содномдорж ажиллаж байна.